اصعب حاجه لما تبقى نفسك تشوف حد ولما تروح المكان اللي هو فيه تتفاجئ بإنه مشي ومش راجع تاني..

وأصعب حاجه لما تقول لحد على سر وتتفاجئ ان السر ده بقى على كل لسان وان الناس كلها عارفاه..

واصعب حاجه لما تحب بجد وتعشق بجنون وتكون فاكر ان اللي انت بتحبه بيحبك برضو وتتفاجئ بتصرفات منه مش بتدل على حبه ليك بل على العكس تماما دي بتعرفك حقيقة مشاعره ناحيتك..

واصعب سؤال لما حبيبك اللي عملت عشانه المستحيل يسألك >>> انت بتحبني ...؟

واصعب حاجه لما تساعد حد بكل اللي تقدر عليه وانت لما تحتاجه في حاجه بسيطه تلاقيه بيتهرب منك..

واصعب حاجه لما تفقد الثقه بمثلك الاعلى وتلاقي القصر العالي اللي بنيته عشانه بيتهد في لحظه..

واصعب حاجه لما تقرب من ناس انت حابب تعيش معاهم او جمبهم على الاقل وفجأه تلاقيهم هما اللي بعدوا عنك واختاروا غيرك..

واصعب حاجه لما الواحد يستسلم لليأس

مع ان الامل لسه موجود وهيفضل موجود ليوم القيامه..